علاج وســـــــواس المرض

المساهمات : 44 تاريخ التسجيل : 16/06/2010

عندك "وسواس المرض" ؟؟؟ لو مش عارف اصلا يعنى ايه" وسواس المرض" !!!!!! حقولك ....وسواس المرض معناه : الشك ان عندك مرض معين؟ مرض خطير مثلا !!!!!!! كل ماتسمع عن حد جالوه مرض معين و شفت الاعراض عليه تشك ان عندك الاعراض دى , و مش بس كده ....ممكن تجيلك الاعراض دى بجد وتحس بيها كمان من الشك ؟؟؟؟؟؟ كل يوم تروح لدكتور شكل علشان تطمن و ممكن متروحش خالص من الخوف........ عاوز تخف؟؟؟؟؟ لو كان اجبتك "ايووووووة" يبقى ان شاء الله حتخف , عارف ليه؟!! علشان عنك النية "عاااوز أخف" ,ولو عندك النية يبقى عندك ارادة ....... مش يالا بقى نشوف حنعالج نفسنا ازاى بالبرمجة اللغوية العصبية ؟؟؟؟ قبل متروح الارادة منك .....صح॥

توكلنا على الله .....أول حاجة ,لو انت عارف انك مريض "بوسواس المرض" و رحت لدكتور و قلك انك سليم , يبقى انت دلوقتى عرفت انك سليم , تمام...... لكن مش عارف تتخلص من فكرة الوسواس بالمرض , ممكن تكون بتشك ان الدكتور مرداش يقولك انك مريض أو انك تشك فى صحة التحاليل و الفحوصات و فى الحالتين انت عارف انك سليم لكن مش قادر تصدق ده ..... وده علاجه انك تروح دلوقتى و تجيب "دفتر مذكرات صغير " و تبتدى تدون فيه كل يوم عملت ايه؟ و قدرت تتغلب على الوسواس بنسبة كام و الوسواس قدر يتغلب عليك بنسبة كام؟ متستغربش؟!!! المفروض انك فى حرب!!!! ايووة ...حرب بينك و بين الوسواس او حرب بينك وبين دماغك , وده لان الوسواس اساسه تغيرات و خلل فى الدماغ ...لكن ده فى الاول و الاخر مرض ... و انت لازم تعرف ده كويس قبل العلاج

نبتدى !!!! حاول انك تقنع نفسك كل يوم انك عنك وسواس قهرى ....ازاى؟؟! كل يوم الصبح مثلا... صلى و ادعى ربنا انه يشفيك من الوسواس واستنى خمس دقايق بعد الصلاة وقول لنفسك بصوت عالى "انا عندى وسواس قهرى... انا مش مريض بالمرض إللى فى اعتقادى...انا مريض بالوسواس القهرى, كل إللى انا فيه ده ابتلاء من الله و هو "سبحانه و تعالى" قادر يشفينى من الابتلاء ده ...و انا لما حعمل برنامج العلاج و اطبقه كل يوم حخف" و كل يوم الصبح تعمل الموضوع ده و بكده تبقى بدأت اول خطوة فى العلاج و هى انك تغيير الفكرة الغلط إللى فى مخك و مسيطرة عليك , بس متستعجلش , اصبر شوية ده انت بتحاول تغير فى مخك و التغيير مبيجيش من مرة او مرتين لكن مع الاستمرار و الاصرار يجى الفرج و الانتصار , تانى خطوة انك لما تجيلك الفكرة دى حاول تأجل التفكير فيها و لو ربع ساعة و تروح تعمل اى هواية بتحبها او تروح تصلى مثلا و بعد كده لو لسه موجودة فكر فيها , بس كده تبقى عودت مخك انه ميستجبش للافكار دى و لو لوقت قليل, و كل يوم تزود الوقت إللى حتأجل فيه تفكيرك فى المرض لغاية ميروح خالص,و الخطوة الثالثة انك تستعيذ من الشيطان لما تجيلك الوسوسة و تذكر ربنا كتير اوى و تبعد عنك المعاصى و لا تسمع الاغانى و اكثر من سماع و قراءة القران و خاصة "قل هو الله احد" و "المعوذتين" و الفاتحة فهى فاتحة لكل خير و هى رقية زى ماقال رسول الله"صلى الله عليه و سلم" و لو قدرت تقرأ سورة البقرة و لو كل يوم شوية صفحات يبقى كويس اوى علشان هى بركة زى ما قال رسولنا " صلى الله عليه سلم" و تركها حسرة , فالوساوس قى الاساس سببها الشيطان او هو السبب فى زيادتها....... " الا بذكر الله تطمئن القلوب "......رابع حاجة انك تحاول تقنع نفسك انك مش انت السبب فى كل إللى انت فيه ده , الوسواس هو السبب و انت بتعالج نفسك و بتحاول تعمل كل إللى تقدر عليه و انك مش مستسلم و مش ضعيف و لما ربنا يأذن بالشفاء حتخف , و بكده تكون قللت من تأنيب الضمير عندك شوية , و حسيت بالتفاؤل اكتر و بقى عنك يقين انك حتخف , و اخر حاجة انك تحاول تعود نفسك انك تفكر بتفاؤل قبل متفكر بتشاؤم و تأخد الامور الايجابية مش السلبية و تحسن الظن بالله ..... و تسيبها على الله ,,,,و ممكن تكون مريض و تخف و ممكن يكون فيه مرض ملوش علاج و يكتشفوله علاج ..... لا يعلم الغيب الا الله ..... ارمى حمولك على إللى خلقك و هو مش حينساك......... وبكده تكون حليت مشكلة مرضك مع البرمجة اللغوية العصبية ,
اخيرا نصيحتى ليك انك تكثر من الاستغفار لانه مفتاح الاقفال......

و السلام عليكم و رحمة الله و بركاته,,,,,,,